Новае выданне "Шлях да выдатных дасягненняў"!

"Шлях да выдатных дасягненняў" - яшчэ адно выданне на беларускай мове, якое ўжо рыхтуецца да друку.

Назва гэтай кнігі можа ўвесці чытача ў зман. Гэта не рэклама «эканамічнага цуду», спароджанага рэформамі Дэн Сяапіна. Яна — летапіс перыяду, які кітайскія гісторыкі называюць Векам прыніжэння, які распачаўся з першай опіумнай вайны (1839–1842 гг.). Вялікабрытанія, Францыя, Расійская імперыя, ЗША, Японія, Германія, Аўстра-Венгрыя, Італія ўмешваліся ва ўнутраныя справы Паднябеснай. Краіне пагражала страта суверэнітэту. Якую цану кітайскі народ заплаціў за незалежнасць? Што стала прычынай канфлікту нацыяналістаў і камуністаў? Чаму апошнія перамаглі на мацерыку, але прайгралі на Тайвані? Адказы на гэтыя ды іншыя пытанні дадзены ў гэтай кнізе.